Ja kak zadrti ateist baš i nebi smel tu nekaj komentirati, al dok vidim te se gluposti okoli sebe, nemrem ne nekaj lajnuti.
Tradicija
Toga više nega,tradiciju su pojeli trgovci i televizor, a nit pop više Božića ne tumači kak negda jer ga i on gledi čez peneze. De su ve one povorke ljudi kaj su pešice k polnoćki išle, posle dimo na hladnetinu, cvirke, čurke, i ostale skromne zakuske? Ve rejši polnoćku glediju v izravnem prenosu jer im se neda zimeti vu cerkvi. A darovi i ostale gluposti,fnogi buju i v kredit otišli sam kaj buju nekomu nekvu blesavoću kupili jer veliju na reklamaj da se treba darivati. Zakaj ne veliju da treba darivati od srca a ne s novčanika? Jer unda ništ nebi prodali. A tržiju sakojaku meglu sam da se proda. Nema kaj nema, petarde, raketline za decu, do ko zna čega se ne za starejše hurmake.
Još jemput,TRADICIJA
Treba iti na polnoćku, ne ju domaj gledati, kupiti kaj se more privoščiti, dati malo al od srca, okititi bora na badnjak a ne kinčati od sesveti, donesti slamu v hižu, navčti decu kaj je i kak je bilo. Božić je ne vreme darivanja, Božić je vreme vere i sećanja na rođendan onoga kaj su ga za se nas na križ zabili!!