14.6 C
Koprivnica
Četvrtak, 28. ožujka 2024.
No menu items!
- Oglasni prostor -
- Oglasni prostor -
Pod Isusekom

Koplje
K

Ne propustite

Neznam kak vi, al ja sam v subotu fakat jako navijal da naša zlatna olimpijašica Sara Kolak na Renesansnom festivalu hiti koplje. Ono, kad je već došla, i lepo je dočekana, mogla je napravit neku korist za javnu stvar.

Nikad se nisam zanimal za to kak se bacači koplja motiviraju kaj bi tu strelu hitili čim dalje. Kad bi se ja tim bavil, ziher bi si zamišljal da mi je tam na 70 il kolko metara neko koga baš ne šmekam. I da bi ga se čovek mogel rešiti samo ak hiti koplje dost daleko.

Pojma nemam jel se tak nečim služi naša zlatna Podravka, al nema veze, navijal sam da hiti koplje onak naslepo. Kolko se političara vrzmalo po bedemima, bila je velka vjerojatnost da strefi nekoga od njih.

No, ne bi bilo dobro da je to koplje doletelo baš na bivšeg ministra Marasa dok je igral šah z Kasparovim, upropastilo bi to svetski doživljaj kakav su nam priuštili naši šahisti, a bogme i – mora se pošteno reći – naša gradska vlast. Makar i uz rizik da mi vsahne ruka, napisal bum da svaka im čast kaj osnivaju šahovsku akademiju i kaj buju šah deli v škole ko izborni predmet.

Za one koji baš nisu vpućeni v šah moglo bi se dolazak Kralja kraljevske igre na simultanku v našu Koprivnicu usporedit s tim kaj da je Messi došel igrat z Slavenašima il kaj da je Usain Bolt došel bežat na utrku za Dan grada.

Ne znam kak je Maras upal među 15 sretnika koje je neko odabral da igraju z Kasparovim, al ziher sam da to nije bilo zato kaj bi bil dobar ministar. Kak se za pločom baš ni iskazal, jer je zgubil v 20 poteza, stvar se da objasnit onak kak se objašnjava puno toga pri nama – narival se po špagi.

No, ruku na srce, meni se više zdopada političar koji se riva na takve stvari, neg da, kajjaznam, po špagi upada v nogometne VIP lože il na koncerte zabavnjačkih pevaljki.

I ajde, ipak, fala bogu, osim ministra, akademika i Podravkinih menadžera, protiv Kasparova dali su igrati i pravim šahistima, pogotovo deci, koja su legendu najviše i namučila. Dam ruku v vatru da je to njima neprocenjivo iskustvo, to je ziher velki motiv za daljnje usavršavanje v plemenitoj igri. A kaj da z matom koji mu je v sedmom potezu dal Kasparov dela neko ko se narival samo zato jer je to htel i mogel? Nikaj.

No, pustimo to, idemo furat pozitivu. Ovog je leta bilo čist pristojno živet v Koprivnici. Imamo festival džeza, Šoderica je oživela, Renesansni festival z Kasparovim, to je velki napredak, ak mene pitate, v odnosu na prije koje leto.

Uživaju dečki na osunčanoj terasi i ispijaju pivo z šeste stepenice podruma, kad gazdarica prekine idilu i zakriči jednome od njih da “dojde sim”.

– Kako bi ovdje moglo biti lijepo – veli u taj čas doktor z Menzelovog filma Selo moje malo.

Eto, tak i pri nama, još zericu fali da bi ovdje bilo skroz lepo.

Baš je Sara v subotu mogla hitit to koplje.

Kaj vi mislite, koji bi rekvizit bil potreban da Koprivnica postane skroz pristojno mesto za život?

Facebook komentari / dostupni ukoliko ste prijavljeni na svoj FB profil (Komentiranjem prihvaćate naše uvjete korištenja).

Ne propustite

- Oglasni prostor -
- Oglasni prostor -

Najnovije

Špica

ODLIČNA KOMBINACIJA Zgodna žena koja zna kako nositi hit traperice i šiltericu

Jednostavna, a tako cool kombinacija! Maslinasta majica, krem šilterica i "zakrpane" traperice dobitna su kombinacija za izlazak na kavu ili...
- Oglasni prostor -

Vezane vijesti

×