Moram priznat da sam v zadnje vreme fest razmišljal, kolko god mi to bilo teško, da zakej nas Koprivničance muče tolki problemi, da zakej nas oće pegula, ko da su nas zajašile nekakve paklenske sile pak nam nedaju povleči napred.
I sad kad je bila na gradskom veću tema proračuna, mučilo me pak da zakej nismo v pozitivi, da se nikad nebumo zvlekli z ponora, a ko zna kolko bu mladih išlo v pečalbu. I onda su mi se po glavi počele motati pločice koje ko mozaik čine taj proces propadanja Koprivnice. Sve je prvo nekak počelo onda kad je propala Pomka i kad smo prodali Pirovac. Onda su gradski oci probali sprečit probleme tak kaj su kupili Pevec, al ga nisu uspeli preprodat. Sad je kredit veći neg je bil prije, a v međuvremenu smo v bunar hitili sedam milja kuna kamata.
I ko za inat država nas je onda zajebavala za vojarnu, pak smo morali izgradit Palaču pravde, a to je još lepo leglo na već sjeban proračun. I da priča postane potpuno pravocrtna, još je država lokalne jedinice prevarila za prihode od poreza, pak smo i tu popušili. I kaj nam je sad perspektiva? Velko smetlište Piškornica i, nedo Bog, prodaja Podravke. Preloše.
I tak mi se mota po glavi: proračun, Pomka, Pirovac, Palača pravde, porez, Piškornica, Podravka… i onda mi, sine, sine! Tibogara, pak sve te reči počinju na slovo p. To nemre bit slučajno, tu mora bit nekakve simbolike. Buduć da sam potpuno neupućen v te stvari, išel sam tražit da kaj to sve sa sobom nosi slovo p. I to kaj sam našel puno objašnjava.
Slovo p, vele velki stručnjaci, samo po sebi sjajno je slovo. Ono v sebi nosi vibracije individualnosti, iznimnosti, jedinstvenosti, inteligencije, intuitivnosti istraživača, pažljivosti, zrelosti. Slovo p nudi velku moć i uspeh. I sve bi bilo v redu da nije kvake. Da bi se ta moć iskoristila, potrebno je požrtvovno delat, a ak toga, nema, onda se stvar zvrgne i nastaju problemi.
Z takvim tumačenjem slaže se i numerologija. Slovo p je 22. po redu v abecedi, a broj 22 je ekstrasuper broj, jedan od karizmatičnih, kak vele numerolozi. V sebi nosi ogromnu moć (ha, kaj velite?), moć z kojom se može ostvarit ogromne ciljeve na dobrobit čovečanstva. Al i tu je kvaka. Tek retko se ta moć, taj snažni potencijal, može iskoristit, i to – piše v drevnim knjigama i na internetu – iz skroz neobjašnjivih razloga.
Da zaokružimo priču, bumo dodali kak gatare kaj gledaju v soc od kave vele da je slovo p, kad se najde na dnu šalice, simbol obmane.
Znači, kad se sve dene na vrpu, mi v Koprivnici imamo ogromne potencijale, al ih, zgleda, nekak ne znamo do kraja iskoristit, i to il zato jer smo leni il iz nekakvih neobjašnjivih razloga il zato jer nas neko obmanjuje.
Kaj god od toga bilo, možda bi se naši problemi dali rešit tak da počnemo izbjegavat slovo p i da mesto proračuna počnemo koristit budžet, mesto Palače pravde Sudske dveri, mesto poreza štibru, a Piškornice valjda nebu, pak je nikak nebumo ni zvali.
Priznajte – polako prašimo po putu propasti, puni problema pomalo praznimo ponos. Premalo pozitive, previše pizdarija…