Kolumna: Pod Isusekom

Zakej naša Vesna nikak nesme dati ostavku

11:00h
0
Hrvoje Šlabek, gost komentator Večernjeg lista // Pod Isusekom
Hrvoje Šlabek, gost komentator Večernjeg lista // Pod Isusekom

Bil je ovo zajebani tjedan za našu gradonačelnicu. Udarci su pljuštali sa svih strana. Osudilo ju na zatvor zbog prevare i lažiranja službenih dokumenata. Državni proračun oštetila je, kak je sud nepravomoćno ustanovil, za 5000 kuna. Umesto da ti novci idu za vojsku, policiju, zdravstvo i školstvo, Vesna si je s znjima mogla kupiti fini zimski kaput.

A love nikad dost, kak vama, tak i gradonačelnicima. Zato je Vesna htela da joj se plaća malo podeblja, no pametno je, nakon samo nekoliko desetaka sati promišljanja, od toga odustala jer je skužila da bi se raja rasrdila. Bistro, nema kaj. No bavljenje takvim tričarijama gradonačelnicu je tolko smelo da jen čas nije znala gde živi. V imovinsku karicu dela si je Pulu.


Pula je na moru, tam je toplije neg v Koprivnici i ne treba vam topla obleka. Nije teško zamislit gradonačenicu koja je morala vrnuti novce za koje veli da ih opće nije maznula, a onda se morala pomiriti s tim da joj se nebu dizala mizerna gradonačelnička plaćica od trinaest-četrnaes hiljadarki. Nebu za kaput, a vani dere podravska zima. Ma ruka je sama v karticu upisala mediteranski grad.

I onda, posle svega, napala Vesnu ljuta i poduzetna naša oporba i traži da se smeni. Smešno. Htel bi jasno reći kak podržavam odluku gradonačelnice da se na to ne obazira i da ostane v fotelji. Ono, da Vesna zbilja da ostavku, bil bi to komičan čin. Pazite, njen kolega z Dubrovnika suđen je pravomoćno za svinjariju veću od milje kuna, pak ne da nije dal ostavku, neg je još jemput pobedil na izborima. A taj još ima i najveću gradonačelničku plaću v Hrvatskoj, 21 kilu.

Pa legendarni gradonačelnik Zadra, kojega su mediji već hiljadu put slali v rešt. Vesna je mala beba prema količini zvizdarija kojima je taj okružen. I, naravno, tu je šef metropole, o čijem se tobožnjem kriminalno-klijentelističkom obrascu već godinama raspredaju priče.

Da živimo v normalnoj, civiliziranoj zemlji, ta bi trojica vjerojatno kartala pref u sjeni neke lipe na sigurnom mjestu, a Vesna bi zdavnja bila bivša gradonačelnica Koprvnice. No, kak nismo v Norveškoj, bila bi skroz bedak da otide. Dela bi se v red z opskurnim čudacima poput onog bivšeg laburističkog vijećnika Siniše Bosanca, poznatog po tome kaj skače z svake paštete na portalima i fejsu. Frajer je dal ostavku na vijećničku dužnost samo zato kaj ni na vreme registriral auto. Normalno da za to nije imal novce kad se, mulac, odrekel vijećničke naknade.

I zato oni koji bi šteli da Vesna da ostavku imaju dve mogućnosti. Il da otidu v Norvešku, kaj je brža varijanta, il da pričekaju da Norveška dojde k nama, a toga se buju ohoho načekali.

Za utehu ovima kaj su se odlučili na čekanje more se reći da se stvari, kak zgleda, počinju micati z mrtve točke. Čini se da polako počinje demontaža zvrgnutoga sustava kaj nam je v Koprivnici na plećima jedno petnajst let. Pobunjenička struja v partiji na vlasti dobila je v novim društveno- političkim okolnostima novi poticaj za akciju, pa su se hapili rušenja spomenika. Mislim da nije pitanje jel bu bista pala il ne, neg – kad bu pala i z kolikim treskom.

Ak ipak nebu, onda nam zbilja nema kaj drugo neg pravac Norveška.

[total-poll id=80394]

čitam...