KOLUMNA: Počelo je, počelo !!

17:56h
0
dravski-sever

Ista tragikomedija koja se ponavlja sake četiri lete vu lepi naši, kaj je naše, kaj ne je prodano. I još kaj nam nej faljelo sake četiri po kotarima. Kak olimpijada, sam kaj naši pobedniki više galamiju.

EL SE TO MENI ČINI IL SEM VEČ TO NEGDI ČUL?

Politički sem navek oporba, nema veze što je na vlasti, ja sem protiv. I ne mešam se preveč vu nju, ak i kak morem, ali… nemreš semu vujti, tak nit ja nis zbegel jenega skupa dotične stranke. Neje da sem z nekvem veseljem išel, nedaj bog kaj bi nekaj pametnoga tam povedal, al su mi rekli dej dojdi pak ti si omladinec, moraju se mladi okoli toga i tak to kak več nagovarjanje ide, kak konobaricu pred fajrunt za još jenu rundu. I kaj, kam si turci tam i blesavi mujo. Vidim ja lepe su se zvrpili, sakojački ajncugi i kravate, lepo se predstajili-kaj bumo znali što je tuj komu kaj. I hapil se jeden gošpon pripovedati, vu ime onoga kaj sedi polek njega, zakaj neznam. I posljušam ja to i se si nekak gruntam-pak kak da mi je to odnekud poznato kaj mladi gošpon pripoveda. I bogme je, imel sem prav, itekak poznato. Malo sem vrnul kazetu vu rikverc i sega se zmislil. To se su nam prepovedali pred četiri lete, i ne sam to nek i četiri prije ove četiri. Samo kaj je bil drugi hlapec koji je žlabral namesto istoga toga gospona kaj sedi. Valjda gospon ima takvu šegu, ak bu što kaj pital posle bu lefko rekel da on ni nikaj rekel, to je bil nešče drugi, on je samo sedel polek.

ZNAČI

Da sem sedel dve debele vure med sakojačkima kaj se nit potpisati neznaju, al zato jako dobro poslušaju i za dve pive buju glasali točno tak kak treba, z kojega razloga? Kaj bum čul se kaj sem več i čul, ve si bum jih snimil i za četiri lete pustil na gramofonu i te lepe gluposti posljušal v topli hiži.

čitam...