I zato svaki pošteni Koprivničanec koji voli svoj grad treba postupat na sljedeći način: idući put kad čuje kojeg glavešinu kak se fali, treba ga z cipelom strefit v glavu.
Morete si vi o Milčecu Androliću, županijskom šefu SDP-a, misliti kaj god očete, al da nema njega i njegvog Svitanja, Koprivnice opće ne bi bilo v državnom proračunu. Je, zbiljam je tak. Otprite si sami predlog proračuna i v tražilicu reči ukucajte Koprivnicu, pak bute vidli da iskače samo Milčecovo Svitanje z 30.000 kuna.
Sva sreća kaj su nakon dva meseca pronašli Damira Felaka i deli ga tam kam spada, na službene gradske internetske stranice pod rubriku “zastupnici iz Koprivnice”, pak su ga i novinari mogli pitat da kaj veli o proračunu. Milčeca nije spominjal, al je primetil da za Sveučilište Sjever ide 25 milja kuna. To ne iskače v našoj tražilici, al kaj je – je, mora se priznat da od toga jedno deset milja ide za koprivnički dio sveučilišta. I morete dalje preokretat proračun do Sudnjeg dana, z njega nebute scedili ni lipu više za Koprivnicu.
Zakej smo mi takva bogčija da nam država nikad neda peneze? Poštenu kintu nismo mogli nafektati ni dok smo imali potpredsednike Sabora, hrpu zastupnika i ljude po ministarskim kabinetima, pa nit sad, dok bi broj naših na Markovom trgu znal pokazati i invalid z dva palca. Ja bi rekel da smo si za to sami krivi. Zato jer se preveč falimo.
Pa ko bu pametan dal novce gradu koji je skoro pa najlepši s srednjoj Evropi? V kojemu je voda najjeftinija v zemlji, a pešačkih i biciklističkih staza je više neg v Amsterdamu? V kojemu je općenito standard življenja top topova, a sve to jer gradski oci znaju posel? I još k tome imamo sedište jedine prave hrvatske multinacionalne kompanije, koja još malo pa bu najbolja multinacionalka v regiji? A bolnica je među najboljima v državi, kak i knjižnica (ovo zadnje je čak i istina)? Jel bi vi v takav grad poslali državne pare? Moš mislit.
I zato svaki pošteni Koprivničanec koji voli svoj grad treba postupat na sljedeći način: idući put kad čuje kojeg glavešinu kak se fali, treba ga z cipelom strefit v glavu. Ne postoji bolji način za podizanje našeg fiskalnog kapaciteta v budućnosti.
Među onim čeg nema v proračunu je i Piškornica. To je ono kaj stručnjaci zoveju regionalnim centrom za gospodarenje otpadom, a normalnim rečnikom bi se reklo velko smetlište, na koje buju dovozili smeće z severozapadne Hrvatske. Zasad, dok ne proradi postrojenje za preradu otpada, tam dovoze smeće samo z pol Hrvatske. Budući bi arheolozi fakat mogli bit zbunjeni kad jednog dana otkopaju smetlište i Podravkine tvornice v blizini. – Jebote, kak su ovi bili napredni – zaključili buju – već onda su od smeća znali delat lekove, dečju hranu i paštete.
Nego, kad smo već spomenuli smeće i Podravku, navodno jen čovek već tri meseca hoda po petom katu i svima ponavlja jednu rečenicu: – Evo, samo kaj ih nismo smenili. Oni kaj su mi to pričali vele i da frajer ništ drugo ne dela, a prima lepu plaću. Menadžersku. Meni je v to teško poverovat da bi bilo istina. Zakej? Pa stvar miriši na politiku, a politiki su v Podravki dali z nogom v stražnjicu. Znate i sami da ju još i sad za to boli rit.
[total-poll id=86127]