Pod Isusekom

Zakej Koprivnica nikad nije bila ‘crvena utvrda’

14:00h
0
Pod-Isusekom-header
Hrvoje Šlabek, gost komentator Večernjeg lista // Pod Isusekom

Nisam videl da je ko primetil kak je Koprivnica ove godine imala ne jen, neg dva jubileja. Sad friško smo proslavili 660. rođendan, al još tam na proljeće, v svibnju, bilo je točno 15 let kak je pri nama, v kontinuitetu, bez sekunde prekida, na vlasti Socijaldemokratska partija.

Drugim rečima, kak se i dalje općenito smatra da je reč o političkoj levici, Koprivnica je ušla v drugu polovicu drugog decenija kak njome vladaju levičari.

Osim Rijeke, ne znam za drugi grad v Hrvatskoj v kojemu su tak dugo na vlasti socijademokrati. I v Evropi bi se teško našlo al pari primera. Jedino se nemremo meriti z Bečom, v kojemu levi vladaju od ’45. Nije zato čudo kaj je Koprivnica još prije jedno pet godina pozvana “crvenom utvrdom”, jer kak se god menjala vlast na državnoj razini il kak je Županija prelazila z jednih v druge ruke, svejedno je SDP pri nama pobeđival.

Moram priznat da me otpočetka smetalo to kaj za Koprivnicu vele da je “crvena utvrda”, i to zato kaj mislim da koprivnička vlast nikad nije bila politički crvena, dakle socijaldemokratska, dakle levičarska.

Ak se zeme da je glavni program političke levice “briga o radnicima, protivljenje plutokraciji, zabrinutost oko feminizma i socijalna jednakost”, onda se na početku ovih naših 15 godina još i moglo činiti da Koprivnicom vlada prava levica. Imali smo i jedan desničarski punkt z kojim se lepo mogla uspoređivat gradska vlast, a to je Podravka. Baš negde tam kak su Koprivnicom zavladali levičari, u Podravku je svom silinom ušla socijalna nejednakost, koju desničari drže normalnom i prirodnom ak je kreirana v slobodnom tržišnom gospodarstvu. Sećate se, tad su plaće Podravkinih menadžera otišle v nebo, pojavile su se opcijske dionice i bonusi i hrpa ljudi se prek noći obogatila.

V to vreme imali smo gradonačelnika koji je zgledal ko pravi socijaldemokrat. Bil je blizak običnom puku, furt je rogoboril protiv desničarskog punkta, protiv plutokracije kaj je vladala v Podravki. Kak “zabrinutosti oko feminizma” nije bilo, a usput se ipak nekaj i izgradilo i poboljšal standard života v gradu, privid levičarske vlasti bil je potpun.

A onda je došlo do obrata koji je razgrnul koprenu. Lider levičarske Koprivnice došel je na čelo Podravke i obrnul retoriku za 180 stupnjeva, a za sobom nije ostavil naslednike koji bi uspešno nastavili glumiti levičare na čelu “crvene Koprivnice”. Zbog naših specifičnih odnosa i pupčanih vrpca kaj nas premrežuju, to je i teoretski bilo nemoguće. To bi značilo raspad familije.

I zato bi prosil lepo da se više ne pripoveda kak je Koprivnica grad v kojemu je na vlasti levica i, ak bi moglo, da se reči “crvena” i “utvrda” više ne koriste skupa. A to kaj je točno pri nama na vlasti v zadnjih 15 let, to bu moral stručno opisat neko kvalificiraniji od mene.

Ko zna, možda to napravi narod na proleće na lokalnim izborima, čuda su uvek moguća.

Kaj vi velite, se slažete z tezom da Koprivnicom v zadnjih 15 let zapravo ne vladaju levičari?

čitam...