Meni su vam v novinarstvu uvek bile najgore dve vrste posla – dok moraš iti v familiju kojoj je neko friško poginul i dok moraš zvat budžovane koji su napravili nekakvu zvizdariju.
Ovo prvo vam je jasno. Leš deteta ili muža još se nije ni ohladil, a vi ženu dojdete pitati kak se to dogodilo i kak se oseća. Stoput sam rekel da bi novinara koji mi v takvoj situaciji dojde na vrata poslal u tri znate kaj. Nikad nisam kužil koji je javni interes v tome da se vidi kak se nekome srušil život zbog tragedije.
Ipak, rekel bi da je još gore kad moraš zvat nekog političara, ravnatelja, direktora il sličnu šaržu nakon kaj, recimo, pijan sleti s ceste, i to još, v pravilu, službenim kolima. V takvim situacijama dosad sam doživel samo dve stvari – il se mustra ne bi javljala na telefon il bi zvređala novinara da kaj bi to sad on od nje štel, s tim da se češće nečeju javiti jer znaju zakej ih zovete.
E, sad, to meni nisu bili neugodnjak zadaci zato kaj bi bil strahopezdec, pa bi se bojal šaržu pitat neugodna škakljiva pitanja. Dapače. To mi je uvek išlo na jetra jer sam se posle razgovora (retkih) il posle nebrojenih uzaludnih poziva (češće) osećal posrano. Ko da sam ja napravil svinjariju, a ne šarža. Mislel sam si – kak te nije sram tak se ponašat i skrivat se od javnosti il vređat novinara ko da ti je on napravil štetu.
Zato sam ostal skroz šokiran kad mi se uskoro bivši šef naše policije odmah javil na mobitel dan nakon kaj je mrtav pijan v službenom autu zletel z ceste. Rekel je kak je kriv, kak mu je žal, kak ga je sram i kak bu sam dal ostavku i ne bu čekal da mu to narede. NE-VE-RO-VAT-NO. Tak nekaj još nikad nisam doživel. To nije rekel veterinar i županijski šef jedne stranke nakon kaj je vudril v stup i pobegel. To nije rekel bivši šef Komunalca nakon kaj se spizdil v ogradu. Nijedan od općinskih načelnika kaj su završavali v grabama nije to rekel. Prešutel je to i negdašnj šef policije kad je pijan zletel, a v autu su, navodno, bile i nekakve ženske.
Niko nikad do sad nije reagiral na normalan, pristojan, kulturan, bi rekli evropski način ko Darko Rep, a niko ga na to nije nateral. Da se razmemo, čoveka dobro ne poznam, z njim sam dosad triput razgovaral, i to službeno. I drugo, napravil je tešku bedariju. Gora stvar za šefa policije od toga da pijan slupa službeni auto bila bi samo da opljačka banku. Al čovek koji ima muda pojesti za sobom i javno reći da ga je sram mora biti čovek na mestu.
I zato ak se nekome čini da ova priča nudi optimizma, da govori o tome kak se kod nas stvari menjaju i da se napokon približavamo Evropi, teško se vara. Svi oni direktori, načelnici i političari koji su posle zvizdarija šuteli ko kurve il su bahato vređali novinare i dalje su direktori, načelnici i političari, a pristojni Rep više nebu šef policije, neg se bu vrnul forenzičkoj obradi leševa, kaj je prije bil delal.
Život nas svaki dan znova uči kak pravde na ovome svetu nema.