Znate onaj stari vic o tome kaj su to zmešane emocije? Ono, kad vam se punica surva v provaliju pa bu sprovod, to je kao super, al se survala vu vašem novom mercedesu, pa ste ostali bez ljubimca. Nemam ništ protiv svoje punice i nemam novi mercedes, al ipak sam v zadnjih šest meseci furt v stanju zmešanih emocija zbog naših političkih zvizdarija.
Kad se nakon zadnjih izbora slagala vlada, bil sam hepi kaj ni HDZ nit SDP nisu dobili većinu, pa da delaju stara stanja kakva su i jedni i drugi već delali. Bilo levo il desno, stanje je ipak stanje. A i gušt je bilo gledat kak se bahati lideri i jednih i drugih pretvaraju v miševe v pregovorima z Mostom. Je, al čim se vlada složila, počeli su tuga i jad. Navleki su v nju brdo smešnih ljudi i ultrakonzervativni pir je počel. Mam sam progutal knedlu.
S druge strane, našlo se pukim slučajem v novoj vladi i čist simpatičnih ljudi, kojima bi čovek možda čak poveril da mu pričuvaju bicikla dok su v dućanu. Evo, baš sam bil vesel kad sam čul da ministar ekologije ima nameru sprečiti gradnju velkog smetlišta kod Koprivnice i da je složil novi, moderni i pametni plan gospodarenja otpadom. I kaj sad? Vlada je opala, taj plan ni dospel ni do javne rasprave i bogtepitaj kaj bu nakon par meseci kad dojde novi ministar. Punica je riknula, al skup z novim mercedesom.
Isto tak mi je emocija otišla v pozitivu kad se dalo naslutit da bu država napokon digla šape z Podravke. Punica. Za punu sreću trebala je samo odluka kakvu je vlada donesla za Končara, al ni stigla. Mercedes. Pouzdano znam bar za dva čoveka kojima bi se emocije jako zmešale i da su domoljupci uspeli v nakani da zmene nadzorni odbor, a onda i upravu. Jednoga bi maknuli, kaj bi ovima bila ne jedna, neg dve punice, al bi opet drugoga deli, kaj bi bil ne mercedes, neg porše.
Nego, ste čitali komentare kaj vele da je HDZ počinil kolektivno samoubojstvo z tim kaj je svome šefu dal im da ruši vladu dok još nema dost ruku za novu? Ko zna jel naš županijski šef te stranke sel v auto skup z noževima jer je to o samoubojstvu shvatil doslovno. Fala bogu da se ni dogodilo ništ ozbiljnije od malog uboda v strateško mesto. Rekel bi da i v toj, srećom šaljivoj, zgodi zmešane emocije igraju ulogu. Nije lako dojti na vlast, a ne moći vladati kak spada, ljudima sigurno svakakve misli dojdu na pamet.
I tak bumo v nestabilnom osećajnom stanju na birališta išli čak dvaput v idućih godinu dana. Najprije bumo birali nove narodne zastupnike, a onda i lokalnu vlast. Kad je ovo drugo v pitanju, zasad se opće nemre ni predvidet ko buju kandidati za novog gradonačelnika. Vele da ziher nije ni sadašnji zamenik koji obnaša dužnost, kaj se zvana čini ko gotova stvar. A on se, zgleda, jako komotno oseća v sadašnjoj poziciji, pak je druženje z lokalnim poduzetnicima nazval “Kava z gradonačelnikom”, iako Koprivnica ov čas gradonačelnika nema.
Nije da mi to smeta, al vidim potencijalni problem. Ono, ak trčiš pred rudo, izlažeš se opasnosti da te kola pregaze. A onda to više nebu zmešana, neg zgažena emocija.
[total-poll id=105127]