- Vrag v sili i muhe koše - rekel je moj frend Maks kad je čul da je Podravka kupila Žito, firmu sa sjedištem u Ljubljani, glavnome gradu podalpske države sa skoro dva milijuna glava.
– Kaj očeš s tim reć? – pitam Maksa sluteći da mu nekaj opet nije po volji.
– Pa ništ, mislil sam da bu nakon tolkog naciljavanja meta zišlo nekaj vekšega. Ono, tri lete najavljivaju čuda, da Podravka ima samo jednu šansu za akviziciju, da to mora biti vau, da zablešči kak vatromet, a onda na kraju zide firmica v Sloveniji.
– A, nemoj tak, Maks. Pak je Žito skoro trećina Podravke, pogotovo ak deneš na stranu lekove.
– Stipu rista, gatibo. Znam da im je prije tri lete Vitke, kojega su bili zbuksali v Sloveniju, rekel da je Žito na prodaju, pa onda nisu hteli ni čut. A moglo se to dobit za napol cene. I sad je to najemput hujahaj. Nemoj se i ti dati delati norca.
– Kaj bi se dal delati norca. Okolnosti se menjaju. Znaš kak veli Bakić – ko se ne menja, taj se menja najviše. I to na gore. Je, slažem se da je bilo malo zadnji čas da se nekaj kupi, al nisu krivi v sedmorokatnici kaj je došlo do ukrajinske krize, pa su Rusiju morali precrtati, a drugde su sve kaj vredi već pokupovali dok su se v Koprivnici branili od Norvežana. Da je država na vreme donesla Zakon o zabrani obrane Podravke, morti na ponudi ne bi ostalo il smeće il preskupo.
– I onda su se baš zapiknuli v firmu kaj trži kruha, a pekaru v Koprivnici zaprli su i rekli da oni ne znaju tržiti kruha?
– Maks, kaj nisi slušal? Prvo, došlo je do promene strategije. Drugo, jedno je tržiti kruha v selu, a drugo v celoj regiji.
– Znači, očeš reći da onaj ko ne zna prodavati masno v Koprivnici, to bu znal delati v celoj Sloveniji, v celoj Hrvatskoj i ko zna još gde?
– Je, pa tak nekak.
– Čuj, jel ti to mene zajebavaš?
– Kaj bi te zajebaval. Ja se ne razmem v biznis, al to valjda tak funkcionira. Drukčije su ti pozicije kad nabavljaš sirovine, pregovaraš s trgovačkim lancima ili kaj ja znam već. Ni Mercedes ne bi mogel aute tržiti samo v Koprivnici, al po celome svetu mu to ide sasvim dobro…
– Nisi me uveril, stari. Jedino kaj v Sloveniji vredi, a to još nisu kupili Tozo i Tedi, to su ti Pankrti, Buldožeri i Lačni Franz. Zato sam rekel da vrag v sili i muhe koše.
I da se rešim grintavog Maksa, koji ne vjeruje u proges ostvaren vizionarskim idejama, pogotovo kad se to plaća tuđim novcem, stavil sam nek svira ona stvar Novo vrijeme/staro stanje/novo vrijeme/isto sranje, da se u miru mogu posvetiti kontemplaciji o strategijama i njihovim mijenama.
I došel sam do zaključka da je jako dobro kad se strategija menja, jer to prije svega znači da imaš nekakvu strategiju. Ak ju nemaš, kak ju još, recimo, nema Koprivnica, onda ju nemreš ni menjati.
Vidli ste da je naša oporba počela prigovarati koprivničkoj strategiji, a ta i takva još nije ni proglašena. Postoji tek nekakav nacrt, koji, prema proceduri, treba izglasati naše časno Gradsko veće.
Meni se čini da se nema kaj prigovarat u ovoj fazi. Tu strategiju čekamo ko gladni znate već kaj.
Oporba bi trebala lepo dić ručice da se ta strategija donese, pa kaj god nutra pisalo, ionak se toga niko nebu držal. E, a onda kad se svečano proglasi da Koprivnica napokon ima strategiju, tek tad može se pristupit njezinom menjanju. Onda bi ju oporba trebala napast iz svih oružja, sleva i zdesna, odozdo i odozgo.
Tak bi trebalo biti, samo da koprivnička oporba ima strategiju svoga djelovanja.
{module [374|none]}