Navodno su prvi štos prodale neke britanske novine još 1698. godine, kad su pozvale čitatelje da dojdu v londonsku kulu gledat kak se peru lavovi.
Niko nezna točno zakej se na prvi travnja zbijaju prvoaprilske šale. Kolko sam našel, postoje dve teorije. Jedna veli da to potječe iz 16. stoljeća, kad se kalendarski početak godine premestil s konca ožujka na prvi sečnja, pa oni koji baš nisu bili v toku, zišli su smešni jer su i dalje slavili početak nove godine po starom. Druga teorija veli da stvar vleče korene od starih festivala z kojima se opraštalo od zime i slavilo buđenje prirode, a na njima su se zbijale šale. Tak nekaj su, navodno, imali stari Rimljani.
Uglavnom, stvar je zaživela, pak da ne samo da se klinci zafrkavaju z onim štosom: Odvezani su ti žniranci, neg se i novine i televizija obično zafrkavaju z vestima koje zvuče neverovatno. Navodno su prvi štos prodale neke britanske novine još 1698. godine, kad su pozvale čitatelje da dojdu v londonsku kulu gledat kak se peru lavovi. BBC je 1957. zaokupil pažnju gledateljstva dokumentarcem o špagetima koji rastu na stablu, a švedska je televizija 1962. obznanila trik z kojim se crno-beli televizor lako pretvara v onaj v boji – samo treba navleči hulahopke prek ekrana. Itd., itd., sve do današnjih dana i Glasovog štosa da bu dućan v robnoj kući otprl H&M.
Kak mi kolumna izlazi posle prvog travnja, ja bum se sa zakašnjenjem pridružil medijskoj tradiciji i dal nekolko prvoaprilskih šala.
1. Koprivnička je vlast od države htela dobit staru kasarnu kak bi v njoj otprla faks za novinare. Država je rekla: Okej, al nam prije toga morate sagradit Palaču pravde. I onda se koprivnička vlast hapila zidat i za 30 milja kuna sagradila je lepu zgradu i dala ključeve državi. A onda je država rekla: Fala, pak je zaprla pol sudova v Koprivnici. Ha, ha, ha…
2. Bil je jen trgovački lanac v Koprivnici kaj je otišel v šturac, pak je plac v kojem je bil išel na dražbu. I niko se drugi ni javil da bi to kupil, neg koprivnička vlast. Dala je 27 milja kuna i rekla da bu plac preprodala i zaradila okruglo 100 milja kuna. Je, al je došla kriza, pak niko ni kupoval placeve i tak je gradska uprava spušila. A firmu prek koje je kupovala plac gradska je vlast zgasila i onda direktoricu te firme dela na čelo druge gradske firme. He, he, he…
3. Da bi pokazala kak se dela biznis, koprivnička je javna firma odlučila zaradit na ovčjoj vuni, pak je kupila strojeve koji bi vunu pretvarali v nekakav građevinski materijal. Kad su strojevi došli, vidlo se da je to stara krama kaj se samo more prodat v staro železo, a i zračunali su da, kad bi strojevi i delali, v Hrvatskoj nema dost vune kaj bi se prerađivala. A onda je gradska vlast donesla strategiju i rekla da bu Koprivničance vučila kak se točno treba bavit poduzetništvom, jer to oni neznaju dobro. Hi, hi, hi…
4. Država je rekla da nemre više tak da se smeće odlaže posvakud i da bu moralo biti jedno mesto na severu zemlje na koje bu se smeće navažalo. I onda je država pitala okolo da ko hoće to mesto. Varaždinci su rekli: Mi nećemo. Zagorci su rekli: Mi nećemo. Međimurci su rekli: Mi nećemo. A onda su Podravci rekli: Bumo mi, i tak se smeće z pol Hrvatske već dovaža k nama. A to mesto je na osam kilometara od centra Koprivnice i na parsto metara od Podravkinih tvornica dečje hrane i lekova. Buaghaaaaaaaaa…
5. Balkanska megazvijezda Željko Joksimović dolazi u Koprivnicu. Veliki koncert na Zrinskom trgu održat će se u povodu Praznika rada, 1. svibnja. Joksimović (43) se proslavio 2004. godine, kada s pjesmom “Lane moje” pobjeđuje na nacionalnom izboru za predstavnika Srbije i Crne Gore za Eurosong. – Pregovori jesu u tijeku, no konačni dogovor nije postignut i ugovor nije potpisan.
Rekao je to Radio Dravi zamjenik koprivničke gradonačelnice Mišel Jakšić. Aprililiiii…
[total-poll id=89599]