Kaj god ko mislil o uzrocima i posljedicama Domovinskog rata, svako normalan moral je dojti v poseban filing kad su na početku ceremonije otkrivanja spomenika na Florijanskom trgu čitali imena poginulih i nestalih branitelja z našega kraja. Nisam pekmezast, al sam zbiljam bil potresen, nema se tu kaj više objašnjavat i primećivat.
I red je da se z tim počelo jer spomenik je i napravljen kak bi se ljudi setili da je neko poginul v ratu, a kaj se mene tiče, z tim se moglo i završit, kak bi se izbegle dosadne govorancije. Još da je bilo samo isprazno patetično, ajde de, tak je navek v sličnim prilikama, al neki su išli slat i političke poruke, i to još bezvezne. Tak su župan Koren i ministar Medved, kaj da su se dogovorili, poručili kak hrvatskome narodu fali jedinstva kakvo je imal kad se branil od agresije. Nek se župan i ministar ne srde, al to je ne samo čista fraza, dakle reč bez pravog značenja, neg i totalna bedastoća.
Mislim, jedinstvo v čemu? V svjetonazoru, v ekonomskim pitanjima, v pogledu na to kaj se pri nama događa? V svemu tome skupa? Ak su mislili na to, onda bi dečki hteli da se ukine demokracija, upravo ono zbog čega su poginuli ljudi čija su imena čitali pod spomenikom. Jer ak bi svi mi bili jedinstveni, onda nam, recimo, ne bi trebale političke stranke, izbori, glasanje vu saboru, gradskim i općinskim većima, županijskoj skupštini i na stanarskim većima. Demokracija je, čini mi se, zmišljena upravo zato jer ljudi v nekoj zajednici nisu jedinstveni, pak je potrebna dogovorena procedura kak bi se bilo kaj na civiliziran način, bez toljage, rešilo i pokrenulo.
Da sam zločest, rekel bi da oni koji pozivaju na jedinstvo zapravo očeju da sve bude po njihovom, da to jedinstvo znači kak bi svi trebali mislit kak i oni. A to se onda zove nekak drukčije, a ne jedinstvo.
Nije bilo jedinstva ni kad se išlo delat spomenik braniteljima, pa se ipak napravil tak kak se napravil, za tolke novce i na mestu raskrčenog parka. To je bilo odlučeno v demokratskoj proceduri i to poštivam, al ipak smem dat par prigovora. Spomenik je zadrl v gradsko tkivo stihijski, bez nekakvog plana kak bi to Koprivnica urbanistički trebala zgledat. Pa mi i svaku ulicu drukčije uređivamo, a ne kak, na primer, vu Varaždinu, gde su i držači za bicikle tipski i svugde isti.
Osim toga, mi ipak nismo bili na prvoj crti bojišnice, to ipak nije glavna crta našeg identiteta kak, recimo, Vukovaru, Osijeku il Zadru, pak je pitanje jel ratni spomenik trebal biti na jednome od triju središnjih trgova. To da se poseklo pol parka, već sam spomenul, a dodal bi još i da je milja i tristo hiljada kuna zbilja puno love za spomenik, ne samo v doba ekonomske krize.
I ak mi neko prigovori da sad bacam ljagu na uspomenu na one čija su imena čitana na otkrivanju spomenika, rekel bu mu da si to dene za šešir.
Nego, nevezano na spomenik, moram vam reći kak sam jučer v Billi naletel na šefa Podravkine uprave. Ja sam plaćal na prvoj, a on na rećoj blagajni. I vidim kak nekaj ne štima. Majstoru ne prolazi kartica.
Taj naizgled intiman detalj zapravo je od prvoklasnog javnog interesa. Svi znamo da kartice obično ne prolaze kad su blokirane, a blokirane su obično zbog prevelkog minusa na računu. E, a znate kaj bi značilo da je menadžer koji upravlja z firmom koja posluje u pol sveta i ima tisuće zaposlenih – v minusu na svom računu?
Moj profesionalni nerv ipak je brzo umiren. Ispostavilo se da v Billi imaju kurcšlus z aparatima za kartice, pa zato nisu prolazile. Ne morate se bojati, šef Podravkine uprave nije v minusu, celi sustav ipak nije ugrožen. Mašalah.