Bil je ovo tjedan iz noćne more za koprivničku oporbu. Mora da se Forjan od muke vgrizel za nogu, Flajs opsoval Boga, a Suvalj potrl gitaru. Dečki su skužili da je gejm over. Zgubili su izbore dve lete prije izbora.
Dobro, nije ono da su baš bili vu velkom naletu, ali slagala se situacija da bi SDP za dve lete mogel spašavat živu glavu. Već su se na zadnjim izborima provlekli za mišju dlaku, a odonda je situacija v Koprivnici dodatno otišla u šturac. Z velkom rupom v proračunu nijednoj vlasti nije lako od birača uverljivo iskati još jen mandat.
A onda deus ex machina. Bog se je na scenu našu političku spustil v obličju – plinskog ventila. Kroz njega bi v gradsku blagajnu, vele, moglo dokapati i sto milja kuna. A sa sto milja kuna v žepu izbore bi dobil i mali Ivica, nažmirečki.
I tak, umesto da se znoje i drže fige da Koprivničanci bar još do izborne nedelje veruju v bajke, kak su verovali v zadnjih petnajest let, na Zrinskome trgu već sad moreju otpirati šampanjca. Od onoga kaj docuri prek ventila, v proračun moreju utrpati dvajest milja i dojti na nulu mam, moreju sami od sebe otkupiti onu sramotu i kriminal od Pevca, moreju zazidati dva nova stadiona i sve gradske ulice popločat mramorom, i još bu ostalo.
Da se na izbornu tekmu primenjuju pravila koja vrede v sportu, onda bi SDP mam bil diskvalificiran. Prodaja plinskog biznisa bila bi ziher proglašena – dopingom. No, kak toga v politiki nema, ko ni oštrog faula, opsajda, udarca ispod pojasa i, općenito, fer pleja, vredi ona stara da pijance i budale prati sreća.
Nego, ste primetili da se potez kaj je sadašnjoj vlasti osigural još četri lete stvoril niotkud? Gradsko veće nikad ni raspravljalo o prodaji plinskog biznisa, toga nema v proračunskom planu, čak ni v strategiji kaj je friško zglasana. Da dečki z Podravskoga lista nisu profekali kaj se sprema, oporba bi još neko vreme bila v zabludi da ima nekakve šanse zajašit vranca.
A tak je bilo i z većinom onoga kaj se zove ključni potezi v Koprivnici. Sve se nekak donosi v tajnosti, naglavačke, bez plana i reda. Ne onak kak bi to trebalo bit v građanskom civiliziranom društvu. Sveučilište je isto tak došlo prek noći. Pa Innotech, za koji niko živ ne razme kaj to je. Pa i Pevca se neko zmislil kupovati u osami svojih vizionarskih stremljenja. Da se razmemo, ne velim da je sve od toga bilo loše, plinski ventil i sveučilište – ne ulazeći u detalje – sigurno nisu loša stvar, ali jemput bu sreća napustila bedake, pa bu velko stanje.
I ko zna kaj se trenutačno vrti po glavama onih kaj troše tuđi benzin za svoje ideje. Zbiljam bi bilo lepo i pristojno da svekolikom građanstvu vele kaj spremaju – kaj buju tržili il kupuvali, gradili il rušili, osnivali il preuzimali. Naravno, ak je to moguće, ak se v glavama ikaj vrti, ak ideje ne padaju po sistemu zahoda. Ide van kad se zaštopa.
A jebeš takav posel.
Ajmo ovaj put u jednu turboozbiljnu anketu, koja je potpuno beskorisna jer su izbori već rešeni.