Fakat ne običavam držat štangu nekoj stranki, al ovaj put bum srcem i dušom stal uz HSS i njihov proglas o tome da apsolutno podržavaju župana u nastojanju da dokaže svoju nevinost. Iako se, zapravo, nikome ne brani da iovak dokaže svoju nevinost kad već neko u nju posumnja, nije to zgorega malo podebljati uz pomoć jedne prave organizacije, kojoj je na čelu kum. Županov.
Ko god pažljivo pročita kaj je USKOK rekel o tome zakej se hapil župana, vidi da tu nekaj debelo ne štima. Daklem, vele da je v sečnju prošle godine župan od nekog Zdenka Kulića, gazde skroz nepoznate građevinske firmice iz Vinkovaca, zatražili da falsificira nekakav papir, a onda je na temelju toga papira kaj mu je ovaj poslal župan malo promenil ugovor kak taj Kulić ne bi platil kaznu od 125.000 kuna jer ni na vreme sagradil školu.
Prvo, stvar su maksimalno zakomplicirali, a drugo, meni vam je to čistam neverovatno. Ne vidim nikakvoga motiva. Naš župan je vernik i sigurno ne bi išel badava protuzakonito pomagati nekakvome Slavoncu, jer zna da Bog sve vidi. To je, dakle, ziher. A tu je iber Svevišnjega gledal još i Antiša.
Jedino bi imalo smisla, onak teoretski, da je primil nekakvu pinkicu, bi se reklo mito. A ak je polazna cifra 125.000 kuna, i nek se mito piše deset posto, to bi bilo 12 i pol hiljada. Smešno. Za tolko se hrvatski župani valjda ni ne javljaju na telefon. Da sam ja župan, i da idem delati nekakvu svinjariju, to ne bi išlo za manje od milijun kuna. Ono, ak već ideš trpiti straha, onda bar da si za to namiren kak spada. Čisto da vam približim kolko je to milijun kuna – to bi vam, naprimer, bilo deset posto od prihoda koje je nepoznata građevinska firmica iz Vinkovaca u dve godine utržila v našoj županiji. E, kad bi Uskok tak nekaj naprndačil našemu županu, onda bi to imali nekakvog smisla. Ovak, svaka čast dečki i cure iz HSS-a, nedajte se zajebavat! To kaj se neko zastrašujuće zove Ured za suzbijanje korupcije i organiziranog kriminala, ne znači da pred njim odmah treba skinuti gaće i dati da te, no, rekel sam već.
Šteta kaj SDP nije izdal proglas u znak potpore svojoj gradonačelnici, jer bi ja ga odmah podržal kak i HSS. Dosta je samo primetiti da neko ko bi išel lažirati putne naloge niti za pet hiljada kuna il je bedast ko noć il ne zna kaj potpisuje. Tak neko more biti gradonačelnik, osim u optužnici našeg pravosudnog aparata, samo još v romanu kaj bi ga napisal onaj Kosinsky.
Ak bu se tim temama jednoga dana bavil Tomislav Habdija, sigurno bu i župana i gradonačelnicu tretiral kak se patri. Naš dečko je diplomiral povijest i upravo je dobil nagradu za najbolji lanjski diplomski rad v celoj Hrvatskoj. Svaka čast, majstore, klanjam se do poda! Jedino nemrem prečkometi da bi imal malo prigovoriti temi. Ono, šefe, kud baš ideš pisati o poplavama i gladi u našim krajevima? Sad buju svi mislili kak smo mi Podravci odnavek bili bokčija. Kaj nisi mogel zmislit nekaj kaj bi nas afirmiralo? Bemusveca, imamo najbolju firmu kaj dela hranu, a on se hapi baš gladi… Za doktorsku disertaciju, lepo prosim, paziti na imidž cele zajednice, a ne pisat samo iz uskosebičnih znanstvenih pobuda.
– Uloga slavonskih poduzeća u gradnji podravskih škola na početku 21. stoljeća
– Povijest vatrogasnog prijevoza u Koprivnici
– Dani ponosa i slave – kako su podravski HSS i SDP rekli “ne” pravosudnoj represiji
– Novi prilozi za biografiju posljednjeg župana koprivničko-križevačkog
– Komparativna analiza kretanja stope pinke u Podravini na razmeđu stoljeća
>> Glasajte i pogledajte rezultate