Za koprivničkog gradonačelnika za leto dana nikak se nemre kandidirat neko normalan, za takve je to put v ustanovu il na groblje. Jedino ak bi se našel kakav perverznjak, egzibicionist il mazohist, koji bu užival v svojoj fotelji kak bi užival i da ga bičuju il kaj već.
Još morem razmeti zakej bi se čovek išel utrkivat za američkog precednika, al zakej bi iko razuman, koji želi dobro sebi i svojoj familiji, pa i široj zajednici, danas više išel na izbore za koprivničkog gradonačelnika, e, to zbiljam nejde v moju glavu.
Ak ništ drugo, kad postaneš američki precednik, onda ti CIA veli jel ona priča o vanzemaljcima koji su se 1947. spizdili v Nevadi točna il ne. Ono, par ljudi na svetu zna jel čovek zbilja videl pravog malog zelenog, a jen od njih je američki precednik. Meni bi to bil dovoljan razlog da se ne smatram luđakom ak bi osetil potrebu, da sam v prilici, kandidirat se za Ovalni ured.
A kaj se tiče koprivničkog gradonačelnika, ak je donedavno i bilo nečega zbog čega bi psihofizički relativno zdrava osoba dobila poriv da se kandidira, toga više ziher nema i jedino kaj čeka lunatika koji bu se toga hapil jesu čemer, jad i tuga, kak bi to rekel bibliofil Darko Duga.
Majstora koji bu za jeno leto dana zasel na prvi kat većnice prvi dan na poslu buju zaskočili bankari. Ko je ikad v životu čul da mu neko veli: Vrati pare!, taj zna kakav je to stres. Gradonačelnik bu onoga koji je uzel od bankara kredit za Pevec proklinjali do devetog koljena. A ak bu išel gledati da otkud zeme pare, pa se nalukne v proračun, videl bu više minusa neg kaj deca imaju za domaću zadaću dok se uče crtat taj znak.
Ak doživi popodne, frajer koji bu na čelu grada može očekivat da ga z trulim jajcima i paradajzom zgađaju otpušteni radnici Komunalca i Kominga, skup z tetama z vrtića i knjižničarima koji su došli pitat da kad bu već jemput ta plaća.
A na kraju dana, kad se pogleda v ogledalo, budući gradonačelnik mogel bu se samo pitat: Kaje meni ovo trebalo?
Još do jučer onaj koji je bil na čelu Koprivnice imal je nekakvu perspektivu. Plaćica je bila pristojna, para je v proračunu bilo kaj se moglo trošiti kak se zaprdne, a ak se nekaj baš i pošemeri, moglo se meknuti v Podravku. Toga, zgleda, odskora više nebu. Budući gradonačelnik osećal bu se ko trputec z Krležine balade: Vi v gartlicu dišite, kakti mačuhice, a nas pak zoblu vrapci i tice krilatice. Po nama smrade krave i cigan se posce…
Drugim rečima, za koprivničkog gradonačelnika za leto dana nikak se nemre kandidirat neko normalan, za takve je to put v ustanovu il na groblje. Jedino ak bi se našel kakav perverznjak, egzibicionist il mazohist, koji bu užival v svojoj fotelji kak bi užival i da ga bičuju il kaj već.
Nego, pustimo mazohiste nek se kandiduraju ak oćeju i posvetimo se malo zdravim stvarima. Gradska vlast dala si je truda i skrojila kolko-tolko pristojan program Koprivničkog ljeta. Mislim, ono, v program su deli, ko i obično, sve kaj bi iovak organizirale gradske institucije i udruge, al ove godine dodali su tu i tam koji koncert na zgodnom mestu, na pozornici kraj fontane v centru. Još sam dobre volje od odličnog drugog izdanja Fest jazza, pak me ovaj čas tolko ne smeta kaj bu med tim koncertima i puno kuruze.
Čak bum previdel i da je program Koprivničkog ljeta tolko bogat samo zato kaj završava parlamentarnim izborima tam v rujnu.
[total-poll id=109338]