Lepo je jen komentator na televiziji v izbornoj noći rekel da SDP ni zgubil, al ni HDZ ni pobedil. Osim v Koprivnici. – Da su danas lokalni izbori, mogli bismo proglasiti pobjedu – rekel je sinoć dogradonačelnik Mišel.
Zasad nisam siguran na kaj je točno mislil, na to da je koalicija Hrvatska raste v Koprivnici dobila 46,89 posto glasova, kaj je najgori SDP-ov rezultat v 21. stoljeću, il na to da Pros, kak stvari sad stoje, nebu išel v Sabor. Ak je ono prvo, nema tu baš puno razloga za veselje. Pred četri lete SDP-ova koalicija dobila je v Koprivnici više od 60 posto glasova, a nek se na tu vrpu dene još 6,5 posto laburistov, kojih onda ni bilo v koaliciji, računica veli da se radi skoro o 70 posto glasova, kaj je ne tak davno bil SDP-ov standard v našemu gradu na bilo kojim izborima.
Ak je mislil na drugo, da Pros ni vušel, to je već pravi razlog za veselje. Ono, ljudski je držati figu v žepu glumcu kojemu je režiser dal tvoju ulogu v predstavi. Meni se čini da je v Mišelovoj izjavi o pobedi v Koprivnici malo i jednoga i drugoga. Verovatno bu v prilici to pojašnjavati na stranačkim sastancima na kojima se buju analizirali rezultati, a to bi moglo zgledati otprilike ovak: Čujte, dobili smo fest glasova, najviše v gradu. Ali. Da je neko drugi z Koprivnice, recimo ja, bil na šestome mestu, bilo bi to puno bolje.
Sve u svemu, ništ novoga. Na rezultate parlamenarnih izbora v Koprivnici se pod normalno gleda kroz lokalnu lokalnu luknju. Navek su tu dva pitanja. Prvo, kak ti rezultati buju utjecali na kadroviranje v Podravki i drugo, kakav se trend kaže za lokalne izbore za dve lete. Tim redom.
Kaj se prvoga tiče, meni se čini da je stigla povesna prilika da se prekine sa začaranim krugom političkih imanovanja vu firmi, ko god z Mostom slagal vladu. Šef te udruge nezavisnih načelnika i gradonačelnika i v izbornoj je noći rekel da im je jedna od bitnih stvari postavljanje stručnih ljudi na čela državnih poduzeća. Ak to vujde v program nove vlade, politika bu zaozbač maknula šape z Podravke. I onda bu to fakat godina novoga početka, kak je to neko nedavno proglasil.
Kaj se drugoga tiče, i tu bi moglo biti promena. Ak dečki z Mosta nekim čudom uspeju promeniti političku pardigmu v zemlji, pa buju poštenje i stručnost na neku foru postali seksi, onda se stvari morale buju menjati i v Koprivnici. Kak bi to konkretno, prevedeno v imena, moglo zgledati, v ovom se trenutku baš nikak nemre predvideti. Tih imena još nema na sceni, tek trebaju dojti.
Nego, kad se podvleče crta pod ove izbore, moglo bi ziti da Koprivnica nema baš nijednog saborskog zastupnika. To vam dojde ko da je Slaven ispal iz prve lige. Sad smo drugoligaši, a do jučer smo imali najmanje jednu velku gubicu na terenu. Je, to vam je ko plimni val – kud on projde, ostaje pustoš, jedino je on sve veći i deblji.
[total-poll id=66647]