Samo je pitanje vremena kad bumo dosegli ideal, pak više nebumo trošili ni struje ni plina ni benzina, jeli bumo kaj rodi na vrtu i na voćki i furt samo popevali “Podravino moja mila”.
Neznam jel ste čuli za teoriju odrasta, frišku političko-ekonomsko-ekološku ideju koja je v zadnje vreme, navodno, fest popularna med levom intelektualnom elitom v Evropi. Nisam baš v detalje vpućen, al kolko sam stigel videt, reč je o dubokoj kritiki kapitalizma baziranog na ekonomskom rastu koji, kao, rešava sve društvene probleme. Zato se i teorija zove od-rast, kak su naši preveli engleski pojam degrowth.
Pobornici, daklem, vele da je dosti sustava v kakvom živimo i kakav proizvodi velke nejednakosti te usput vništava prirodu. Najsrditiji su na konzumerizam, koji obične ljude naterava da kupuju svaki drek kaj im treba i ne treba, a to ide v prilog samo vlasnicima i menadžerima vu velkim kompanijama, onakvima kakve nazivamo multinacionalke. I na njih nakalemljenim političarima.
V dve reči, zalažu se da se sve na svetu više ne meri famoznim rastom BDP-a, neg da se potrošnja dogovoreno smanji kak bi se sačuvali prirodni resursi dok ih još nismo sve požderali. Cilj im je da svi ljudi buju sretni, da imaju više vremena za familiju, za druženje, za umetnost, za ribičiju i kajtijavećznam.
Ak dosad i niste čuli za odrast, nema veze, vi ga, dragi Koprivničanci – živite, i to već jedno dvajest let. Da, dosad sam navek pluval na samoreklamerske samofale naše vlasti da je prva v svemu i da sve dela samo na dobrobit građana, a sad sam skužil da sam grešil dušu. Gde je pepel? Naši su primenili najmoderniju evropsku političku teoriju i prije neg je ona zmišljena.
Prvo, odrast je leva teorija, a svi znamo da su naši na vlasti skroz levi. To v startu, znači, paše. Onda, prvi je cilj odrastaša kaj bi se smanjil ekonomski rast kak se ne bi frčkali prirodni resursi. Vidite, mi smo tak uspešno smanjili ekonomski rast kaj ga već dugo opće nemamo. A to da smo usput smanjili i potrošnju prirodnih resursa, samo se kaže. Znate i sami da v najpoznatijim proizvodima z Koprivnice opće više nema ni zere lokalnih resursa poput mrkvice, luka, peršuna, ječma, hmelja, kokica, pajcekov il kravica. Usput se radi i na tome da se više opće ne troši domaća radna snaga. To je ideal na kakav se teoretičari odrasta još ne ufaju ni pomislit.
Idemo dalje, za sumnjičave. Evo, jedna od metoda odrasta je zajedničko korištenje resursa i tu spominju zajedničke vrtove, v kojima bi si ljudi sami delali hrane kolko im treba. I, zvoni vam kaj? Pa naravno! Nisu gradski oci bezveze dali onaj ficlek zemlje kod potoka. Onda umetnost. Nije dugo prošlo kak smo svedočili manifestaciji skupne artističke uživancije usred naše Koprivnice. Vele da je čak 10.000 ljudi bilo na Joksimoviću, kojemu je Komunalac za popevanje platil 150.000 kuna. Da čuju za to, teoretičari odrasta zuli bi se v zraku od veselja.
V konačnici, njihov je cilj da se ekonomija vrati v prirodna ograničenja i, v celini gledajuć, mi smo v Koprivnici na tom polju jako puno napravili, a delamo i dalje. Samo je pitanje vremena kad bumo dosegli ideal, pak više nebumo trošili ni struje ni plina ni benzina, jeli bumo kaj rodi na vrtu i na voćki i furt samo popevali “Podravino moja mila”.
A ak neko pita kak rešiti društvenu nejednakost, da kaj z ovima bogatima, koji kvare prosek, usudil bi se prognozirat kak se bu to rešilo samo od sebe. Ti buju takitak sami otišli k svojim računima v londone i cirihe čim zcuclaju i zadnji filir kaj se još da zcuclati.
[total-poll id=103505]