Neznam kak vi, al ja sam baš navijal kaj bi Trump pobedil Klintonicu i postal novi američki precednik. Ne zato kaj ne bi videl kak je frajer lažljivac, ksenofob, šovinist, buržuj, sociopat i kaj sve već ne, neg upravo zato kaj je on sve to.
Mislim, ono, i Klintonica je zapravo sve to, al nekak poskrivečki. Jedno pripoveda, drugo misli i treće dela, a ovak, z Donaldom, znamo na čemu smo i s kim imamo posla. Osim toga, majstor bi u svojoj opičenosti mogel potrefit i koju dobru stvar, makar slučajno, z verovatnošću od pol promila, a takva šansa, da je rezultat izbora bil kontra, ne bi ni postojala.
Malo more analiza zišlo je v pokušaju da se objasni zakej je Trump pobedil i sve se slažu bar v jednom: belom američkom radniku dopizdil je establišment, bulumenta političara, bankara, mešetara i tajkuna koji si međusobno drže štangu kak bi zvlačili lovu z njegovog žepa. Neko je već i upozoril na apsurd da je Trump, iako republikanac, dakle desničar, utelovil glavnu ideju onoga kaj je nekad bila levica u klasičnom smislu, u smislu borbe za standard radnika, za plaće od kojih se može normalno živet.
Sad bum otkril kak postoji još jen razlog zakej sam držal fige za Trump i odmah bum priznal da je taj razlog detinjast. Nekak sam se nadal da bi do kontraestablišmenskog udara, nakon kaj do njega dojde tam prek bare, možda skoro moglo dojti i pri nama, i to brzo, već na proleće. Da se razmemo, za to “pri nama” mislim na našu Koprivnicu.
Meni vam se čini da je establišment pri nama isto tak kvaran kak i onaj v Ameriki. Z jedne se strane furt pripoveda kak imamo najjeftinije komunalije na svetu, a z druge se godinama ekstraprofit od plina i vode zvlači z žepova Koprivničanaca i trpa v gradski proračun. Onda se govori kak smo pametni grad a da se v isto vreme nemreš prištekati na besplatni gradski internet ak baš ne poljubiš fasadu većnice.
A o komplotu politike i gospodarstva, o mešanju javnih i privatnih interesa, o skrivenim i manje tajnim vezama unutar našeg establišmenta ne treba trošit reči. Ova serija Novine, kaj baš ide na telki, sve to jako dobro opisuje. Nema veze kaj se radnja događa v Rijeci, puno toga podseća na našu situaciju.
Ak je sve to točno, a valjda je, onda se možda sme reći da je naš establišment lažljiv i kvaran isto onak kak su Ameri profekali da je lažljiva Klintonica, koja je njima predstavljala njihov establišment. I baš bi mi bilo drago kad bi to svima postalo očito, pa da se na proleće napokon dogode promene. Da dojde do reseta.
Zasad na horizontu nema “koprivničkog Trumpa”, nekog ko bi mogel ugrozit vrlo čvrstu poziciju “koprivničke Klintonice” i njezinog dugo godina i vrlo sustavno građenog establišmenta, al ko zna kaj se sve može dogodit. Nit metereolozi sad ne znaju ziher kakvo vreme donosi veljača.