20.2 C
Koprivnica
Subota, 18. svibnja 2024.
No menu items!
- Oglasni prostor -
- Oglasni prostor -

KOLUMNA Hrvoje Šlabek // E, da mi je najti onoga koji je Koprivnicu nazval crvenom
K

Ne propustite

I tak veli Dimač, kojemu su v Glasu dali lepi prostor za opservacije o radu, poštenju i napretku, da mu navek kad dojde v Zagreb spomenu da je došel z crvene Koprivnice. I zbilja, nekak je naš po parku zeleni, po vegeti plavi, a po količini stanja smećkasti grad, za stranjske postal crveni. Misli se na, onak, politički crveni grad jer crvena boja simbolizira revoluciju, radnički pokret i, jelte, ono, fuj – komunizam.

To vam je skroz friška stvar, to da smo, kao, crveni. Prije sto let, kad je cirka komunizam nastal, mi smo bili više zeleni. Baš je profesor Petrić rekel kak je napisal knjigu z doktoricom Kolar o tome da je pri nama bila kolijevka HSS-a i da su braća Radić z našeg kraja otišli v Sabor. Osim toga, i Miškina je napisal knjižicu o tome zakej seljak nikad nebu komunist jer, ak se dobro sečam, nikak nemre prifatiti da bude drugač do toga da ima svoju kravicu i oranicu.

Nisam čul da bi između ona dva rata komunisti bili pri nama na vlasti, bar onaj ficlek dok ih kralj nije zabranil, a v Drugome sveckom ratu, znate i sami, ustaše su bili fajn jaki. Išli su naši i v jene i v druge.

Posle rata, pak, pri nama je zbilja bil komunizam, al bil je i drugde. Niko mi nije pričak da je onda Koprivnica bila crvenija neg, kajjaznam, Petrinja il Slatina. Neki izvori daju naslutiti da čak i nismo bili na diku Partije. Potkraj 80-tih jedan je mladi novinar, jedno petnajest let prije neg je postal gradonačelnik, v Loku pisal kak omladinci baš neće iti v Savez komunista Jugoslavije, da sram ih bilo.

A kad je došla sloboda, odmah je na izborima pobedil HDZ, pa je onda nastal gemišt liberala, seljaka, socijaldemokrata i koječega još i tekar 2001. na vlast su došli kakti ekskomunisti i drže se za nju do danas kak brabonjek za dlaku. Otud valjda i naša crvena Koprivnica.

Neznam ko je to zmisli, al da mi je današnja pamet, i da ga najdem, vrtnul bi ga tak da bi videl žute zvede, pa ne bi zmišljal gluparije. Mislim, ono, to da je Koprivnica crvena, to vam je cinizam velki. Komunizam bi v teoriji trebal bit pravedno društvo v kom nema klasa i izrabljivanja, a na kaj smo mi zišli posle tolkih “crvenih” let?

Su nas godinama pljačkali z cenama komunalija. Su naše novce hitali na genijalne poduzetničke inicijative poput Vunka i Pevca. Zbog njihovih luzerskih kombinacija i loših driblinga imali bumo velko smetlište na rubu grada. Kasta ne da nema, neg su bar dve – ona kaj jede z gradske kopanje i ona kaj glođe kosti.

Jedino priznam da je jedna stvar celo vreme bila, onak, ful komunistička, a to je agitprop kakvog se ne bi postidel Đilas i njegvi. Zvana huj, znutra fuj. Ak je zbog toga, onda vredu, onda smo crveni kak zreli paradajz.

Nego, kad smo već kod kasta, ste vidli kak je zišla dokapitalizacija Podravke? Ja sam jako zadovoljan. I Đilas je. Jajani su ftopili bonuse, a stoka sitnog zuba otišla je v crveno. Čudi me samo kaj tih ipak ni bilo zericu više. Zgleda da svi nisu čuli kaj je moj frend Maks govoril ljudima kad su ga pitali dal da zemu dionice.

– Zemi jednu. – rekel bi im Maks: – Kad dojde do postrojavanja, pa oni z dionicama buju išli levo, a oni bez dionica desno, ti buš v pravoj vrsti i zbegel buš da od tebe delaju dim.

Facebook komentari / dostupni ukoliko ste prijavljeni na svoj FB profil (Komentiranjem prihvaćate naše uvjete korištenja).

Ne propustite

- Oglasni prostor -
- Oglasni prostor -

Najnovije

Slijetanje

[FOTO/VIDEO] UPRAVO Teška nesreća, vatrogasci vadili vozača iz vozila, automobil potpuno smrskan

Teška prometna nesreća dogodila se maloprije na relaciji između Rasinje i Prkosa. Kako doznajemo od našeg fotoreportera, sve hitne službe...
- Oglasni prostor -

Vezane vijesti

×